रक्षक नै भक्षक
सम्माननीय प्रधानमन्त्रीज्यू ,
अन्तराष्ट्रिय स्तरमा ख्याति प्राप्त नाफामा चलिरहेको मेरो निर्यातमुखी उद्योग महालक्ष्मी गार्मेन्ट इन्डष्ट्रीज Mahalaxmi Garment Industries लाई सरकारी स्वामित्वको राष्ट्रिय वाणिज्य बैंकले षड्यन्त्रपूर्वक बन्द गरी योजनाबद्ध रुपमा धितो सुरक्षणमा रहेको म उद्योगीको काठमाडौंस्थित लगभग १८ (अठार) रोपनी सम्पत्ति समेत कब्जा गरी रा. बा. बैंकले राजनीतिज्ञहरु मा. दीपक बोहोरा र मा. राजेन्द्र प्रसाद पाण्डे सहितहरुसँग मिलामतो गरी हिनामिना गरेको सम्बन्धमा प्रमाणहरु सहित निवेदन ।
रात दिन मिहिनेत गरी अन्तराष्ट्रिय स्तरसम्म बिस्तार गरिएको निर्यात उद्योग र व्यापार तथा कमाएको सम्मान र धनलाई सार्वजनिक पद धारण गर्ने व्यक्तिहरुले आफूले लिएको संविधानको शपथ र प्रतिज्ञा प्रतिकूल आफ्नो पद र सत्ताको दुरुपयोग गरी आफ्नो लोभ र स्वार्थका लागि रक्षक नै भक्षक भई क्षति गर्दै जान्छ र सो उपर कारबाही गनुपर्नेमा सो नगरी उल्टै सेटिङ, ढाकछोप र संरक्षण गर्ने यो कस्तो शासन हो? के यस्तो प्रणालीमा आम जनता, उद्योगी र व्यवसायी आफूलाई सुरक्षित महसुस गर्न सक्छन् ?
उद्योगी माथि दोषारोपण र उद्योगको झुटो प्रचार गर्दै बैंकले आफ्नो बदनियत, साँठगाँठ, षड्यन्त्र र भित्री अभिप्राय (ulterior motive) लुकाउँदै आएको छ ।
राष्ट्रिय वाणिज्य बैंकसहित संलग्नहरुले आफ्नो पदको दुरुपयोग गर्दै स्वार्थपूर्ति, ढाकछोप, एक—अर्काको संरक्षण र बचाव, न्यायलाई अवरोध, जनतालाई भ्रमित, उद्योग र उद्योगी साथै बैंक, देश र जनताको नोक्सान र मिलोमतोमा अवैधानिक र गैरकानुनी कार्यहरुलाई निरन्तरता दिदैँ आएका छन् ।
कानुनी रुपमा पालना गनुपर्ने नियम पालना नगरी तथा प्रचलित बजार मूल्य अनुसार उचित मूल्याङकन नगरी बैंकमा राखिएका धितो संरक्षणहरुलाई बैंकका कर्मचारीहरुले संरक्षण नगरी उल्टै सेटिङ्गमा आफ्नो स्वार्थपूर्तिका लागि प्रयोग गरी मिलोमतोमा जथाभावी र हिनामिना गर्दा राष्ट्र र जनतालाई ठूलो क्षति पुग्ने विषयमा ध्यानाकर्षण गराउन चाहन्छु र यसलाई गम्भीरता साथ लिन पनि अनुरोध गर्दछु ।
नेपाल राष्ट्रको तयारी पोशाक निर्यात उद्योग महालक्ष्मी गार्मेन्ट इन्डष्ट्रिजको कारोबार सम्बन्धमा
मेरो उद्योग महालक्ष्मी गार्मेन्ट इन्डष्ट्रिज नेपालको तयारी पोशाक उत्पादन र निर्यात गर्ने pioneer industry हो ।
महालक्ष्मी गार्मेन्ट इन्डष्ट्रिज नेपाल राष्ट्रको तयारी पोशाक निकासी व्यापारमा सधै अग्रणी स्थानमा रहदैं आएको र आ.व. २०५६/५७ मा महालक्ष्मी गार्मेन्ट इन्डष्ट्रीजलाई नेपाल चेम्बर अफ कमर्सबाट राष्ट्रको Top Garment Exporter Award प्रदान गरिएको थियो ।
महालक्ष्मी गार्मेन्ट इन्डष्ट्रिजले आ.व. २०५६/५७ मा US$ 51,97,046.96 को निर्यात गरेको र उद्योगमा US$ 45,00,000.00 को अर्डर निर्यातको लागि उत्पादन भइरहेको थियो जसको Export L/C हरु राष्ट्रिय वाणिज्य बैंकमा थियो ।
अन्तराष्ट्रिय स्तरमा ख्याति प्राप्त तयारी पोशाक उत्पादन र निर्यात गर्ने प्रतिष्ठित उद्योग महालक्ष्मी गार्मेन्ट इन्डष्ट्रिजलाई 'The International Award - Golden America for Quality and Excellence' (आ. व. २०५६/५७) र 'The International Award - Golden America for Quality' (आ. व. २०५४/५५) द्वारा सम्मानित गरिएको थियो।
काठमाडौंको ताहाचल सोल्टीमोडस्थित महालक्ष्मी गार्मेन्ट इन्डष्ट्रिजको भवनहरु (Factory) एसिया मै उत्कृष्ट प्रथम श्रेणीको संरचना र आधुनिक गार्मेन्ट मेसिनरी उपकरणले सुसज्जित रहेको तथा जापान, कोरिया, हङकङ, क्यानडा, अमेरिका तथा युरोपका विभिन्न देशहरुका प्रतिनिधिहरुको Delegation ले उद्योग भ्रमण गरेका थिए ।
काठमाडौंको ताहाचल सोल्टीमोडस्थित महालक्ष्मी गार्मेन्ट इन्डष्ट्रिजको भवनहरु (Factory) एसिया मै उत्कृष्ट प्रथम श्रेणीको संरचना र आधुनिक गार्मेन्ट मेसिनरी उपकरणले सुसज्जित रहेको तथा जापान, कोरिया, हङकङ, क्यानडा, अमेरिका तथा युरोपका विभिन्न देशहरुका प्रतिनिधिहरुको Delegation ले उद्योग भ्रमण गरेका थिए ।
Video of One of the Three similar Manufacturing Units of Mahalaxmi Garment Industries, Nepal (MGI Nepal) situated in Soaltee Mode, Kathmandu.
महालक्ष्मी गार्मेन्ट इन्डष्ट्रीज राष्ट्रको तयारी पोशाक निकासी व्यापारमा सधैँ अग्रणी स्थानमा रहँदै कारोबार गर्दै आएको तथा सबै गुण प्राप्त भएको आधारमा महालक्ष्मी गार्मेन्ट इन्डष्ट्रिजलाई आ. व. २०५६/५७ मा निर्यात व्यापार बढाउनको लागि नेपाल राष्ट्रमा नै प्रथम पटक नेपाल राष्ट्र बैंकबाट अमेरिकामा सम्पर्क कार्यालय (Liasion office) खोल्ने अनुमति प्रदान गरिएको थियो ।
तथा उद्योगको नयाँ खोलिएको Liasion Office MGI.NYC.USA बाट US$ 50,000,000.00 (पचास मिलियन यु. एस्. डलर) को एक्सपोर्ट आर्डर आगामी वर्षको लागि बुक समेत भइसकेको अवस्था थियो साथै USA मा Warehouse राख्ने समेत फाइनल गरिसकेको थिए।
अन्तराष्ट्रिय स्तर र राष्ट्रको सुस्थापित निर्यातमुखी उद्योग मात्र नभई विदेशी मुद्रा आर्जन गर्ने र बढी भन्दा बढी रोजगार प्रदान गर्ने मेरो उद्योगको स्वीकृत सीमा ‘लिमिट’ भित्र व्यवस्थित रुपमा नाफामा चलिरहेको कारोबारलाई आ.व. २०५७/५८ सुरु देखि नै बैंकले बिना कुनै कारण बिना जानकारी आफूखुसी अनाचक बन्द गरेको जानकारी गराउन चाहन्छु ।
मैले बारम्बार राष्ट्रिय वाणिज्य बैंकलाई मेरो उद्योगको व्यापार किन बन्द गरेको सोध्दै गए र पटक—पटक मेरो उद्योगको स्वीकृत सीमा ‘लिमिट’ भित्रको व्यापार सुचारु गरिदिनुहुन भनी अनुरोध गर्दै गए तर रा. बा. बैंकले निर्यातजन्य उद्योग महालक्ष्मी गार्मेन्ट इन्डष्ट्रीज कारोबार बन्द गरी सैंकडौ करोडको नोक्सान गरायो साथै नेपालमा रोजगार र निर्यात वृद्धिमा केन्द्रित औद्योगिक र व्यापारिक बिस्तारका मेरा अनेकौं योजनाहरु एक—एक गर्दै धराशयी हुँदै गए।
अन्तराष्ट्रिय स्तरको निर्यात प्रकृयामा लगानी भएको र व्यवस्थित रुपमा नाफामा सञ्चालन भइरहेको तथा आफ्नो लगानी भएको ऋण समेतको परवाह नगरी उद्योगको कारोबार राष्ट्रिय वाणिज्य बैंकले अचानक किन बन्द गरेको हालसम्म बैंकसँग कुनै जवाफ नभएको जानकारी गराउन चाहन्छु ।
म, उद्योगी बृज गोपाल इनानी, प्रोपाइटर महालक्ष्मी गार्मेन्ट इन्डष्ट्रिज स्वयं आ. व. २०५६/५७ मा नेपाल तयारी पोशाक उद्योग सघंको अध्यक्ष एवम् एशियन टेक्सटाइल एण्ड गार्मेन्ट काउन्सिल "ATGC" को अध्यक्ष तथा उद्योग वाणिज्य मन्त्रालय अन्र्तगत निर्यात प्रवर्द्धन समितिका पदेन सदस्य समेत रही समग्र राष्ट्रको तयारी पोशाकको निर्यात तथा प्रत्यक्ष एवम् अप्रत्यक्ष रोजगारलाई बढाउनमा समेत कार्यरत रहेको थिए ।