रक्षक नै भक्षक
उद्योगी र बैंक मात्र नभई राष्ट्रको नोक्सानी गराउने रा. बा. बैंकको मनमानी पछाडिको मूल आशय र स्वार्थ के रहेको हो ?
२०६६ सालमा अर्थमन्त्री सुरेन्द्र प्रसाद पाण्डेले छानबिन, कारबाही र समस्या समाधान गरी श्री व्यवस्थापिका संसद सार्वजनिक लेखा समितिलाई सहयोग गर्नु सट्टा उद्योगको कालिमाटी २(क), सोल्टीमोड (ग्राण्ड होटल अगाडि) स्थित कि. नं २६६, २६७ र २६८ को भवन—जग्गा सम्पत्ति हिनामिना र ठूलो भष्ट्राचार गरेका मा. दीपक बोहरा अध्यक्ष सर्भिङ्ग माईण्डस प्रा. लि. र राष्ट्रिय वाणिज्य बैंकका संलग्न भ्रष्ट कर्मचारीहरुलाई संरक्षण र बचाव गरी स्वयं मा. सुरेन्द्र पाण्डेले उद्योगका बाँकी सम्पत्तिहरु मिलीजुली खाने र लुट्ने तथा मेरो निर्यात उद्योग समाप्त पार्ने राष्ट्रिय वाणिज्य बैंकसहित सित साँठ—गाँठ गरे ।
२०६६ सालमा नै नेपाल स्वास्थ्य सहकारी संस्थाका शेयरधनी तत्कालिन प्रधानमन्त्री माधव कुमार नेपाल मन्त्रीमण्डलमा रहेका शेयरधनी तत्कालिन अर्थमन्त्री सुरेन्द्र प्रसाद पाण्डे र संस्थाका अध्यक्ष तथा सभासद राजेन्द्र प्रसाद पाण्डे सहितले मेरो उद्योगको भवनको कम्पाउण्डभित्रको १० आना १ दाम जग्गा (कि. नं. २९ र २१२) जग्गा लिनु उद्योगलाई समाप्त पारी सबै सम्पत्तिहरु हड़पने र हिनामिना गर्ने सरकारी स्वामित्वको रा. बा. बैंकसित योजना नै बनाएका रहेछन् । २०६६ को तत्कालिन प्रधानमन्त्री माधव कुमार नेपालको मन्त्रीमण्डलमा सर्भिङ्ग माईण्डस प्रा. लि. अध्यक्ष मा. दीपक बोहरालाई पनि वन तथा भूसंरक्षण मन्त्रालय दिइ शामिल गरियो ।
त्यसैले भष्ट्राचारमा संलग्न उच्च पदस्थ व्यक्तिहरु, सभासदहरु, पूर्व मन्त्रीहरु, राष्ट्रिय वाणिज्य बैंक कर्मचारीहरु र विभिन्न निकायहरुका कर्मचारीहरुले आफ्नो दबाव र प्रभाव पार्दै आदेशानुसार कहिल्यै पनि र कुनै पनि निकायमा कारवाही अगाडि बढ्न दिएनन् ।
रा.बा. बैंक शाखा कार्यालयले रा.बा. बैंक केन्द्रिय कार्यालयलाई मिति २०५८/०५/२९ को पत्र संख्या एल.सी. ३७/१५९ को पत्रमा बैंकका प्रतिष्ठित गाह्रक महालक्ष्मी गार्मेन्ट उद्योगको स्विकृत सिमा ‘लिमिट’ भित्र कारोबार गराउन अति आवश्यक र जरुरी भएको छ भनी लेखिएको निर्णार्थ, सम्माननीय प्रधानमन्त्रीज्यूहरुबाट समस्या समाधान र उद्योग सुचारु गर्ने निर्देशनहरु, श्री व्यवस्थापिका संसद सार्वजनिक लेखा समितिको पटक—पटक निर्देशनहरु, श्री अर्थ र उद्योग मन्त्रालयको निर्देशनहरु, नेपाल राष्ट्र बैंकको राष्ट्रिय वाणिज्य बैंकलाई यथाशीघ्र प्रतिवेदन उपलब्ध गराउन पत्र पठाएको पत्र, इत्यादि अनेकौं नमानी उद्योगी र बैंक मात्र नभई राष्ट्रको नोक्सानी गराउने रा. बा. बैंकको मनोमानी पछाडिको मूल आशय र स्वार्थ के रहेको हो ?
म उद्योगीले श्री व्यवस्थापिका संसद सार्वजनिक लेखा समितिबाट छानबिन र कारबाहीका लागि श्री अर्थ मन्त्रालयका तत्कालिन राजश्व सचिव तथा राष्ट्रिय वाणिज्य बैंकका अध्यक्ष कृष्ण हरि बास्कोटाज्यू समेतलाई पत्र प्राप्त हुदाँ—हुदैँ पनि साढे तीन महिना बितिसक्दा समेत राष्ट्रिय वाणिज्य बैंकले छानबिन र कारबाही नगरेपछि तथा निर्देशन हुदाँ समेत कारवाहीलाई बाधा पुर्याएपछि तत्कालिन नवनियुक्त मा. अर्थमन्त्री सुरेन्द्र प्रसाद पाण्डेलाई मिति २०६६/२/१२ मा सहयोगको लागि जानकारी सहित निवेदन दिएकोमा मा. अर्थमन्त्री सुरेन्द्र प्रसाद पाण्डेले छानबिन, कारबाही र समस्या समाधान गरी श्री व्यवस्थापिका संसद सार्वजनिक लेखा समितिलाई सहयोग गर्नु सट्टा उद्योगको कालिमाटी २(क), सोल्टीमोड (ग्राण्ड होटल अगाडि) स्थित कि. नं २६६, २६७ र २६८ को भवन—जग्गा सम्पत्ति हिनामिना र ठूलो भष्ट्राचार गरेका मा. दीपक बोहरा अध्यक्ष सर्भिङ्ग माईण्डस प्रा. लि. र राष्ट्रिय वाणिज्य बैंकका संलग्न भ्रष्ट कर्मचारीहरुलाई संरक्षण र बचाव गरी स्वयं मा. सुरेन्द्र पाण्डेले उद्योगका बाँकी सम्पत्तिहरु मिलीजुली खाने र लुट्ने तथा मेरो निर्यात उद्योग समाप्त पार्ने राष्ट्रिय वाणिज्य बैंकसहित सित साँठ—गाँठ गरे ।
ऋण असुली न्यायधिकरणमा आदेश अनुसार कागजातहरु बैंकबाट पेश नहुदाँ पनि दबाब र प्रभावमा अचानक फैसला भयो । उद्योगको काठमाण्डौँ, का.म.न.पा. कालिमाटी २(क), सोल्टीमोड स्थित (ग्राण्ड होटल अगाडि) कि. नं. ३७४, ३७३, ३७२ र ८९ को जग्गाको एकै कम्पाउण्डबालभित्रको १० आना १ दाम जग्गा (कि. नं. २९ र २१२) जुन २०६५ सालमा मोहीलाई म उद्योगी र रा. बा. बैंकलाई विपक्षी बनाई गरेको मुद्दाबाट प्राप्त भएको र जुन जग्गामा बाटो समेत नरहेको र मेरो उद्योग बाहेक कसैलाई काम पनि नलाग्ने त्यसैले सो जग्गा म उद्योगीले उद्योग सुचारु हुनासाथ मोहीबाट किन्ने फाइनल थियो । सो एकै कम्पाउण्डबालभित्रको १० आना १ दाम जग्गा मा. अर्थमन्त्री सुरेन्द्र प्रसाद पाण्डेले हस्पिटलको लागि भनेर आफू शेयरधनी र आफ्नो परिवारका सदस्य राजेन्द्र प्रसाद पाण्डे शेयरधनी र अध्यक्ष रहेको नेपाल स्वास्थ्य सेवा सहकारी संस्थाको नाममा सो जग्गा लिन लगाए । सो नेपाल स्वास्थ्य सेवा सहकारी संस्थामा तत्कालिन प्रधानमन्त्री माधव कुमार नेपाल लगायत अरु सभासद् र उच्च पदस्थ व्यक्तिहरु पनि शेयरधनी थिए । २०६६ को तत्कालिन प्रधानमन्त्री माधव कुमार नेपालको मन्त्रीमण्डलमा सर्भिङ्ग माईण्डस प्रा. लि. अध्यक्ष मा. दीपक बोहरालाई पनि वन तथा भूसंरक्षण मन्त्रालय दिइ शामिल गरियो ।
कम्पाउण्डबाल सहितको जग्गाको नक्सा संलग्न गरेको छु ।
